Sa matag taas nga bayranan sa kuryente, adunay panimalay nga napugos mopili – bayran ang kuryente o unahon ang pagkaon, edukasyon, panglawas ug panginabuhian.
Mao kini ang panawagan nga gidala sa PIPOL POWER – Iligan (People’s Initiative for Public Ownership and Low-cost Power) peaceful rally and march niadtong September 12, 2026, diin naghiusa ang mga civil society organizations, churches, community groups, sectoral organizations, professionals, civic and business groups, ug mga Iliganon alang sa just, affordable, reliable ug accountable nga kuryente.
Isip miyembro sa Iligan City People’s Council (ICPC) ug kabahin sa team nga nag-organisa sa kalihukan, miapil ang Ecosystems Work for Essential Benefits (ECOWEB), Inc. uban sa mga community partners niini sa Iligan.
Gikan sa Poblacion, naghiusa ang mga partisipante sa rally ug march padulong sa Iligan Light and Power, Inc. (ILPI). Adunay mga mensahe gikan sa nagkalain-laing sector, interfaith prayers, solidarity messages, signature campaign ug candle lighting – mga pamaagi aron ipakita nga ang isyu sa kuryente dili lamang numero sa electric bill, kundili usa ka isyu nga direktang nakaapekto sa kinabuhi ug kaugmaon sa mga komunidad.
Para kang ECOWEB Executive Director Regina “Nanette” Salvador-Antequisa, ang mahal nga kuryente dili mahimong tan-awon nga isolated nga energy issue lamang.
“Dili lamang kini electricity issue – poverty, development ug resilience issue usab kini.”
Sumala niya, ang taas nga bayranan sa kuryente nagkuha sa limitado nang resources sa mga pamilya alang sa pagkaon, panglawas, edukasyon ug panginabuhian, ug nagdugang sa vulnerability sa mga komunidad nga kanunay nang nag-atubang sa kalamidad, climate risks ug economic shocks.
Mao kini ang hinungdan nganong importante alang sa ECOWEB ang partisipasyon sa maong panawagan. Ang affordable ug reliable nga kuryente adunay direktang kalabotan sa economic security, development ug resilience sa mga komunidad.
Lakip sa mga gipangayo sa PIPOL POWER ang paghatag sa full 25 MW contracted Agus-Pulangi supply ngadto sa ILPI, pagdugang sa Agus-Pulangi allocation ngadto sa 50 MW alang sa Iligan, ug pagseguro og adequate, reliable ug least-cost power supply aron maminusan ang pagsalig sa mahal ug volatile nga WESM purchases.
Gipangayo usab ang transparency ug accountability sa power procurement ug electricity rates, samtang gipahayag ang pagsupak sa privatization sa Agus-Pulangi Hydroelectric Power Complex ug ang panawagan alang sa public rehabilitation ug padayon nga public ownership niini isip importanteng public ug renewable energy asset.
Sa rally, nadungog ang tingog sa nagkalain-laing sektor – gikan sa kabatan-onan, kababayen-an, mga komunidad, CSOs ug churches, hangtod sa mga grupo nga direktang naapektuhan sa presyo sa kuryente. Ang mga partisipante usab mipirma sa campaign ug commitment wall isip pagpakita sa ilang suporta.
Sa pagpadulong sa ILPI, nagmartsa ang mga partisipante. Gisundan kini sa interfaith prayer ug candle lighting alang sa just power, affordable electricity, accountability, protection sa Agus-Pulangi, ug kaayohan sa Iligan ug Mindanao. Usa usab ka symbolic tearing of electric bills ang gihimo isip pagpahayag sa kolektibong kasuko ug panawagan batok sa dili makatarunganong presyo sa kuryente.
Apan ang rally dili katapusan sa panawagan.
Padayon ang legal action, policy advocacy ug lobbying aron mapalapad ang diskusyon ug mapangayo ang accountability sa mga institusyon nga adunay papel sa power procurement, distribution ug regulation.
Alang sa ECOWEB, kabahin kini sa mas lapad nga tumong sa pag-atubang dili lamang sa epekto sa poverty ug disasters, apan usab sa mga structural ug root causes nga nagpadugang sa vulnerability sa mga tawo ug komunidad.
Agus-Pulangi para sa katawhan, dili para sa pribadong interes.
Barato, makatarunganon, transparent ug accountable nga kuryente para sa tanan.
PIPOL POWER – Kusog sa Katawhan, Kuryente para sa Katawhan!
